بەپێی هەواڵێكی رۆژنامەی سەفیری لوبنانی،
ئەندامێكی كۆنسەی سەرۆكایەتی كۆما جڤاكێن كوردستان باڵی سیاسی پارتی
كرێكارانی كوردستان لەبارەی رێككەوتننامەی هەردوو ئەنجوومەنی گەلی رۆژئاوای
كوردستان و ئەنجوومەنی نیشتمانی كوردی سووریا ئاشكرای دەكات:
رێككەوتننامەكەی نێوان ئەنجوومەنی گەلی رۆژئاوای كوردستان و ئەنجوومەنی
نیشتمانی كوردی سووریا هەنگاوێكی مێژووییە بۆ بەكڕیزی گەلی كورد
.
باهۆز ئەرداڵ كە بەڕەگەز خەڵكی سووریاییە و
پێشتر فەرماندەی هێزی پاراستنی گەل (هەپەكە) باڵی سەربازیی پەكەكە بووە
گوتی: رێككەوتننامەكەی نێوان ئەنجوومەنی گەلی رۆئاوای كوردستان و
ئەنجوومەنی نیشتمانی كوردی سووریا و پێكهێنانی دەستەی باڵای كورد،
هەنگاوێكی مێژووییە بۆ یەكڕیزی گەلی كورد و گەشەكردنی شێوازەكانی خەباتی
هاوبەش.
شایانی باسە، لە 11ی تەممووزی رابردوو
بەسەرپەرشتی مەسعود بارزانی سەرۆكی هەرێمی كوردستان رێككەوتنێك لەنێوان
ئەنجوومەنی نیشتمانیی كوردی سووریا و ئەنجوومەنی گەلی رۆئاوای كوردستان
ئیمزا كرا و دەستەیەكی باڵای هاوبەش بەناوی (دەستەی باڵای كوردی) پێكهات.
باهۆز ئاماژە بەوەش دەدات: بەپێی ئەو
رێككەوتنە كورد دەتوانێ رۆڵێكی پێشڕٍەوانەی هەبێ لە شۆڕشی سووریادا و ئێمە
لە پارتی كرێكارانی كوردستان پشتیوانی لەسەرجەم حزبە كوردییەكانی سووریا
دەكەین لە پێناو خەباتكردن بۆ سووریایەكی دیموكراتی فرەیی بۆ دەستەبەركردنی
مافەكانی كورد.
ليست هناك تعليقات:
إرسال تعليق