سێ پۆلیسی كه‌ركوك به‌هۆی به‌كارهێنانی مادده‌ی هۆشبه‌ره‌وه‌ ده‌ستگیر ده‌كرێن

به‌ڕێوه‌به‌ری هۆبه‌ی نه‌هێشتنی مادده‌ هۆشبه‌ره‌كان له‌كه‌ركوك ئه‌وه‌ی ئاشكرا كرد كه‌ پێنج كه‌سیان به‌ تۆمه‌تی بازرگانیكردن و به‌كارهێنانی مادده‌ی هۆشبه‌ر له‌شاری كه‌ركوك ده‌ستگیر كردووه‌ سێ له‌و كه‌سانه‌ كارمه‌ندی پۆلیسی ئاماده‌ی كه‌ركوك-ن.
عه‌قید نه‌وزاد سڵاحه‌دین به‌ڕێوه‌به‌ری هۆبه‌ی نه‌هێشتنی مادده‌ هۆشبه‌ره‌كان رونیشكرده‌وه‌ كه‌ دوای كۆكردنه‌وه‌ی زانیاری ورد له‌لایه‌ن هێزه‌كانی ئاسایش و پۆلیسی نه‌هێشتنی مادده‌ هۆشبه‌ركان توانیمان پێنج تۆمه‌تبار ده‌ستگیر بكه‌ین كه‌ كاریان به‌كارهێنان و بازرگانیكردن بووه‌ به‌ مادده‌ی هۆشبه‌ر له‌جۆری حه‌بی ئاڕتین .
ناوبراو ئاماژه‌ی به‌وه‌شكرد كه‌ ئه‌و تۆمه‌تبارانه‌ به‌مادده‌ی 39 له‌یاسای سزادانی عیراقی به‌ند كراون .