هونەرمەندی دوورە وڵات سامان عومەر دوای دابڕانێكی 4 ساڵی، ئەمجارە بە كلیپێكی نوێوە دێتەوە مەیدان. هونەرمەند سامان عومەر لەبارەی ئەو كارە تازەیەیەوە بە (رووداو)ی راگەیاند "دوای دابڕانم بۆ ماوەی زیاتر لە 4 ساڵ، بە باشمزانی كە دووبارە دەست بە كاری هونەری بكەمەوە و خزمەتی هونەری رەسەنی كوردی و خاك و نیشتمانەكەم بكەم". گۆرانی (ناتوانم) لە ئاواز و هۆنراوەی سامان عومەر خۆیەتی و كاری موزیكیشی لەلایەن گۆران كاملەوە ئەنجامدراوە. لەبارەی كلیپكردنی گۆرانییەكەوە سامان گوتی " لەڕووی دەرهێنان و كامێراوە كاری ئەم كلیپەم زۆر جیاواز دەبێ لەگەڵ كارەكانی پێشوومدا". ئەو گوتیشی "دەرهێنەر بڕوا تەها بە شێوازێكی پڕۆڤیشناڵ كاری بۆ ئەم كلیپە كردووە".
ليست هناك تعليقات:
إرسال تعليق