له‌ چه‌مچه‌ماڵ نارنجۆكێك فڕێده‌درێته‌ ماڵێكه‌وه‌

شه‌وی رابردوو نارنجۆكێكى ده‌نگى فڕێدرایه‌ ماڵێكه‌وه‌ له‌ قه‌زاى چه‌مچه‌ماڵ، به‌ڵام هیچ زیانێكى گیانى نه‌بوو.

سه‌رچاوه‌یه‌ك له‌ پۆلیسی قه‌زاى چه‌مچه‌ماڵ به‌ ماڵپه‌ڕى (رووداو)ی راگه‌یاند "شه‌وی رابردوو نارنجۆكێكی ده‌نگی فڕێدرایه‌ ماڵی هاووڵاتی (یاسین ره‌ئوف) له‌ گه‌ڕه‌كی راپه‌ڕینى قه‌زاى چه‌مچه‌ماڵ، به‌ڵام زیانى گیانى‌و ماددى لێنه‌كه‌وته‌وه‌".

سه‌رچاوه‌كه‌ گوتى "ئه‌و كه‌سه‌ى نارنجۆكه‌كه‌ى هه‌ڵداوه‌ته‌ ماڵه‌كه‌وه‌ نه‌ناسراو بووه‌، خاوه‌ن ماڵه‌كه‌ش سكاڵاى له‌سه‌ر كه‌س تۆمار نه‌كردووه‌‌، چونكه‌ گومانى له‌كه‌س نه‌بووه‌‌و ده‌ڵێت "هیچ كێشه‌م له‌گه‌ڵ كه‌س نییه‌"، هه‌ربۆیه‌ دۆسیه‌ بۆ رووداوه‌كه‌ نه‌كراوه‌ته‌وه‌‌و كه‌سیش ده‌ستگیر نه‌كراوه‌".