بڕیارە سبەی شەممە، هەر دوو مەکتەبی سیاسی پارتی دیموکراتی کوردستان و یەکێتی نیشتمانی کوردستان لە هاوینەهەواری پیرمام کۆ ببنەوە
.
سەعدی ئەحمەد پیرە، ئەندامی مەكتەبی سیاسی
یەكێتی نیشتیمانی کوردستان لەو بارەوە بە (رووداو)ی راگەیاند "سبەی شەممە،
بە سەرپەرشتی مەسعود بارزانی مەکتەبی سیاسی یەکێتی و پارتی لە
هاوینەهەواری پیرمام کۆ دەبنەوە".
بڕیارە کۆبوونەوەکە کاژێر 1 بەڕێوە بچێت و
تێیدا پرسە پەیوەنددارەکانی هەولێر و بەغدا، خۆپێشاندان و داواکاری
سوننەکان و نامەی شیعەکان و هەروەها رێککەوتننامەی ستراتیژی نێوان پارتی و
یەکێتی تاوتوێ بکرێت.
پێشتر عەبدولوەهاب عەلی، گوتەبێژی
ئەنجوومەنی سەرکردایەتی پارتی دیموکراتی کوردستان لە سلێمانی بە (رووداو)ی
رایگەیاندبوو کە ئاکامی وتووێژی شاندی یەکێتی و پارتی لەگەڵ لایەنەکانی
ئۆپۆزیسیۆن یەک لە تەوەرەکانی کۆبونەوەکە دەبێت.
مەسعود بارزانی، سەرۆکی هەرێمی کوردستان
دوێنێ پینج شەممە، دوای سەردانیكی چەند رۆژە بۆ سویسرا و چەند وڵاتێکی
ئەوروپایی گەڕایەوە هەرێمی کوردستان.
بارزانی لە یەکەم وێستگەی سەفەرەکەیدا لە
ئەڵمانیا سەردانی جەلال تاڵەبانی، سەرۆک کۆماری عێراقی کرد کە بە مەبەستی
چارەسەری لە نەخۆشخانەی "چارەتی" لە بەرلینە.
ليست هناك تعليقات:
إرسال تعليق