|
پاش
ئەوەی ماوەیەك لەمەو بەر (سادق سه‌عید) کەخه‌ڵكی سوریایه‌‌و ته‌مه‌نی 30
ساڵه، به پێی ماده‌ی 10ی به‌زاندنی سنور پێشتر له شاری موسڵ
ده‌ستگیركراوه.
پەیامنێرمان لە کوردستانەوە ڕایگەیاند پاش
بەدواداچوونی بۆ ڕوداوەکە چۆنێتیی دەستگیرکردن و هەڵهاتن و گرتنەوەی (سادق
سه‌عید) کە خەڵكی رۆژئاوای كوردستانە کەدەکەوێتە سوریاوە ئاشکرا دەکات
.
تۆمەتی گرتنەکەی هیچی لەسەر نەبووە تەنها ئەوە نەبێت کە بە ڕێگەیەکی
نایاسایی هاتۆتە ناو عێراقەوە و پاش دادگاییکردنی لەلایەن دادوەرێکی شیعەوە
تەنها لەبەر ئەوەی کە سوننە مەزهەب بووە بڕیاری ١٥ ساڵ زیندانی دەدات
بەسەر ناوبراودا پاش ئەوەی کە بەرەو زیندانی سوسێ بەڕێ دەکرێت بەپێی ئەو
هەوالەی کە لەزۆرێك ڕاگەیاندنەکاندا لەزاری بەرپرسانی زیندانی سوسێوە بڵاو
کراوەتەوە نیوەی حوکمەکەی تەواو کردووە!.
به‌ندینخانه‌ی سوسێ
ده‌كه‌وێتـه ناوچه‌ی پیره‌مه‌گرونی باكوری خۆرئاوای شاری
سلێمانیه‌وه، زیاتر له ١٦٠٠ به‌ندكراو له خۆده‌گرێت، له ٢٠٠٦ ه‌وه
خراوه‌ته ئه‌ستۆی وه‌زاره‌تی دادی حكوومه‌تی عێراقی فیدراڵ‌و ئه‌و
سزادراوانه‌ی تیایه كه خه‌ڵكی ناوچه‌كانی ناوه‌ڕاست‌و خوارووی عێراقن.
وە
ئەم زیندانە لەناو قەڵایەکدایەو لەدەرەوەی زیندانەکە بە ٩ بورج پاسەوانی
لێدەکرێت کە سێ سێ دەوری زیندانەکەیان گرتوە، لە دەرەوەی قەڵاکە کە بەسیم
دەوره دراوە هەندێك لەزیندانییەکان ئیشوکار دەکەن وەك ئاسنگەری و
کارەبایی و کورەی هەنگ. (سادق سه‌عید) یش ئیشی کارەبایی کردووە و تەواو
سەرنجی ناوچەکەی داوە و شارەزایییەکی باشی پەیدا کردووە لەماوەی ئەو چەند
ساڵەدا و ئامادەکارییەکی تەواوی کردووە بۆ هەڵاتنەکەی لەوانەش پەیوەندیکردن
بووە بە براکەیەوە لەناو زیندانەوە کەوا ڕۆژی هەڵاتنەکەی پێ وتوەو ئەویش
بە ماتۆڕ سکلیتێك چاوەڕوانی کردووە لەسەر شەقامی سەرەکیی پیرەمەگرون
دووکاندا.
ئەو ڕۆژەی کە (سادق سه‌عید) هەڵدێت یەکێك لەبورجەکان
پاسەوانەکەی لەوێ نابێت و بورجێکی تریشیان لەکاتی گۆڕینی سەرەی ئێشك
گرتنیدا دەبێت (سادق سه‌عید)یش کات ژمێر ٢:١٥ دەقە لەماوەی چەند خولەکێکی
کەمدا دوو سیم دەبڕێت و ئەو جلوبەرگە پرتەقالییه‌ی کە لەبەر زیندانییەکانە
دەیگۆڕێت و بەبێ راکردن پەلاماری هەندێك لە گەنمی سنوری زیندانەکە دەدات و
دەیخاتە سەرشانی تا باقی پاسەوانەکان وابزانن جووتیارەو خەڵکی ناوچەکەیە،
پاش ئەوەی دەگاتە لای براکەی بە ماتۆڕەکە دەیباتە سەیرانگای چەمی ڕێزان و
لەوێشەوە پەیوەندی دەکات بە ناسراوێکیان کە لەشارۆچکەی چەمچەماڵ
دادەنیشێت و ئەوانیش خەڵکی سووریان بەسەیارە دێن بەشوێنیانداو
دەگوازرێنەوە بۆ شارۆچکەی چەمچەماڵ.
لەیادی دامەزراندنی یەکێتی
نیشتمانیی کوردستاندا بەسەیارەیەك کە دەڕازێنرێتەوە بە ئاڵای سەوز بەرەو
شاری دهۆك بەڕێ دەکرێت پاش ئەوەی دەگاتە لادێیەکی سنووری سوریا لەگەڵ
قاچاخچی یەکدا ڕێك دەکەوێت بە بڕی٣٠٠٠ هەزار دۆلار ڕەوانەی سوریا بکرێتەوە
بەڵام ناوبراو تەنها بڕی١٥٠٠ دۆلاری پێدەبێت و مۆبایلەکەی دەردەکات و
دەیخاتە ئیش پاش ئەوەی سیم کارتەکەشی فڕێ دابوو بەڵام جۆری مۆبایلەکەی لای
ئاسیا سێڵ زانراوەو لەگەڵ خستنە ئیشی ئاسیا سێڵ شوێنەکەی کەشف دەکات و
پەیوەندی بە ئاسایشەوە دەکات و لەماوەیەکی کورتدا هێزێکی ئاسایشی
بەسەرکردایەتیی (کۆسرەت ڕەسول علی) زیندانی هەڵاتوو(سادق سه‌عید)دەستگیر
دەکرێت وە به‌ڕێوه‌به‌ری گرتوخانه‌ی سوسێ وتیشی مه‌فره‌زه‌یه‌كی
هێزه‌كانی خۆمان، دوو فه‌وجی لیوای هه‌شتی پێشمه‌رگه، هێزه‌كانی
ده‌زگای دژه‌تیرۆر‌و هه‌موو فه‌رمانگه‌كانی ئاسایشیی كه‌ركوك، زاخۆ،
فیشخابور پێكه‌وه هاوكاربوون له دۆزینه‌وه‌‌و ده‌ستگیركردنی به‌ندكراوه
هه‌ڵهاتووه‌كه‌دا.
پاش دەستگیرکردنی (سادق سه‌عید) ڕەوانەی زیندانی
سوسێ دەکرێتەوە بەڵام براکەی هەڵدێت و ئەو ماڵەشی کە داڵدەی ناوبراویان
دابوو لە شارۆچکەی چەمچەماڵ دەستگیر دەکرێن.
هەر لەگەڵ دەستگیر
کردنەوەی (سادق سه‌عید) پاش لێکۆڵینەوە لەسەر ئەوەی کێ یارمەتی داوە ئەویش
ڕایگەیاندووە کەوا هەموو کارەکان خۆی ئەنجامی داوەو کەس یارمەتی نەداوە
هەر بۆیە لەپاش ئەوە بە بڕیارێکی دادگای عێراق چوار پاسەوانەکەی کە لەسەر
هەڵهاتنی ناوبراو زیندانی کرابوون ئازاد کران و ئێستا (سادق سه‌عید)
لەزیندانی تاکە کەسی دایەو پێدەچێت حوکمێکی تری چەند ساڵی بۆ تازە
بکرێتەوە و وە بەپێی ئەو هەواڵەی دەست پەیامنێرمان کەوتووە لە ناحیەی
پیرەمەگرون دادگایییەکەی بەڕێوە دەچێت.
ئەوەی کەجێگای سەرنجبوو لە
لێکۆڵینەوەدا لەگەڵ (سادق سه‌عید) سەبارەت بە هەڵهاتنی کە بۆ هەڵهاتووە
لەکاتێکدا کە نیوەی حوکمەکەی تەواو کردووە؟ ناوبراو ڕایگەیاندووە کەوا
دایك و باوکی بێ کەسن و کەس نییە یارمەتیان بدات وە پێویستیان بەوە ئەویش
نەیتوانیوە ئەو چەند ساڵە تەواو بکات لەم کێشەو پشێویەی سوریادا ویستویەتی
زوو بگاتەوە لای دایك و باوك و کەس و کارەکەی.
چاودێرانیش چۆنێتیی
حوکمەکەی ناوبراو بە نادادگەریی لەقەڵەم دەدەن چونکە ئەم بڕیارە دژ بە
یاساکانی مافی مرۆڤی نێو دەوڵەتییەو وەها بڕیارێك لەسەر سنوور بەزاندنی
وڵاتێك نابێت بە ١٥ ساڵ زیندانیکردن جێبەجێ بکرێت.
چونکە بەپێی
هەواڵێکیش کەلەسایتی خەندانەوە بڵاو کراوەتەوە سەرچاوەیەكی بەرپرس لەناو
گرتووخانەی سوسێ بە "خەندان"ی راگەیاندوە: ئەو زیندانییەی كە دوێنێ لە
گرتووخانەكە هەڵهات تیرۆریست نەبوە، بەڵكوو بەشێوەیەكی نایاسایی لە خاكی
سوریاوە هاتووەتە ناو عیراقەوەو هەر بەو هۆیەشەوە فەرمانی 15 ساڵ زیندانی
بەسەردا سەپێنراوە.
روونیشیكردەوە كە زیندانییەكە ناوی (سادق سعید
ئیبۆ)یەو خەڵكی رۆژئاوای كوردستانە‌و بەر لە هەڵهاتنیشی نیوەی حوكمەكەشی
تەواو كردبوو.
سەرچاوە بەرپرسەكە باسی لەوەشكرد كە گوماندەكرێت
(سادق) بەماتۆرسكیلێك هەڵهاتبێت‌و وتیشی: "ئەو ماتۆرسكیلە لەناوچەی تابین
دۆزراوەتەوە، هیچ ئەوەلیاتێكی تۆماركراوی لە هاتوچۆی سلێمانی نییە".
سەرچاوەكەی
"خەندان" ئەوەشی خستەڕوو كە سادق لەكاتی نانخواردنی نیوەرۆو لەماوەی 20
خولەكدا هەڵهاتووەو تەنانەت هیچ كام لەكامێراكانی چاودێری زیندانەكەش
نەیانتوانیوە وێنەی هەڵهاتنەكە تۆماربكەن | 
ليست هناك تعليقات:
إرسال تعليق