له ماوه ی 1 ساڵدا 49 هه زار ئۆتۆمبێل له سلێمانی زیادی کردوه

رۆژ له‌دوای رۆژ هاورده‌كردنی ئۆتۆمبێل بۆ هه‌رێمی كوردستان به‌رده‌وامه‌و ته‌نها له‌ دوو مانگی رابردووشدا له‌شاری سلێمانی زیاتر له‌ 8 هه‌زار ئۆتۆمبێل زیادیكردووه‌، سه‌رچاوه‌یه‌كیش له‌ڕاگه‌یاندنی هاتووچۆی سلێمانیش ئاماژه‌ به‌وه‌ ده‌كات كه‌ به‌زیادبوونی ئه‌و ژماره‌ زۆره‌ی ئۆتۆمبێل ژماره‌ی رووداوه‌كان و قوربانییه‌كانیش زیادیانكردووه‌.
له‌وباره‌یه‌وه‌ نه‌قیب به‌ختیار محه‌مه‌د به‌ڕێوه‌به‌ری راگه‌یاندنی به‌ڕێوه‌به‌رایه‌تی

هاتووچۆی سلێمانی رایگه‌یاند: ته‌نها له‌ دوو مانگی رابردوو له‌شاری سلێمانی زیاتر له‌ 8 هه‌زار ئۆتۆمبێل زیادیكردووه‌، هه‌روه‌ها به‌كۆی گشتی له‌مانگی ئازاری ساڵی رابردووه‌وه‌ تائێستا زیاتر له‌ 49 هه‌زار ئۆتۆمبێل له‌شاری سلێمانی زیادیكردووه‌.
وتیشی: به‌رامبه‌ر به‌زیادبوونی ئه‌و ژماره‌ زۆره‌ی ئۆتۆمبێل ژماره‌ی رووداوه‌كان و قوربانییه‌كانیش زیادیانكردووه‌، بۆیه‌ به‌ڕێوه‌به‌رایه‌تی هاتووچۆی سلێمانی مه‌به‌ستییه‌تی كه‌ باشترین خزمه‌تگوزاری له‌بواری هاتووچۆ پێشكه‌شبكات، هه‌روه‌ها ئاماژه‌ی به‌كۆمه‌ڵێك ئاسته‌نگ كرد له‌به‌رده‌م راگه‌یاندنی به‌ڕێوه‌به‌رایه‌تی هاتووچۆی سلێمانیدا