هه‌شت مانگه منداڵێك ئه‌شكه‌نجه ده‌درێت"
له‌گوندی( فه‌ره‌ج ئاوا) ی سه‌ربه‌ناحیه‌ی عه‌ربه‌ت مێردمنداڵێكی ته‌مه‌ن ( 12 ) ساڵ به‌ناوی (ی .ئ)چه‌ندین جار له‌لایه‌ن باوه‌ژن و باوكیه‌وه به‌توندی ئه‌شكه‌نجه‌ده‌درێت .كه ئاسه‌واری برینی قوڵ به‌سه‌رجه‌سته‌یه‌وه‌ده‌بینرێت و به‌پێی ڕاپۆرتی پزیشكی هه‌ردووئه‌ژنۆی شكێنراوه‌و گوێچكه‌یه‌كی براوه و باری ده‌رونی تێكچوه . به‌شێوه‌یه‌ك كه‌ناتوانێت نان بخوات و توشی كه‌م خوێنی ده‌بێت به‌وته‌ی مامۆستاو خوێندكاره هاوڕێكانی پێشتر خوێندكارێكی زۆر زیره‌ك بووه له‌خوێندنگه‌ی گونده‌كه‌یان.. به‌لاَم به‌مه‌به‌ستی شاردنه‌وه‌ی ئه‌شكه‌نجه‌ی كوڕه‌كه‌یان له‌لایه‌ن باوك و باوه‌ژنه‌كه‌یه‌وه ڕێگای خوێندنی لێ ده‌گیرێت ...
پاش وه‌رگرتنی وته‌ی منداڵه‌كه ده‌ركه‌وت ماوه‌ی (8) مانگه ئه‌شكه‌نجه ده‌درێت بۆیه له‌لایه‌ن پۆلیسه‌وه منداڵه‌كه ده‌گه‌یه‌نرێته نه‌خۆشخانه‌ی عه‌ربه‌ت پاشان ده‌گوازرێته‌وه بۆنه‌خۆشخانه‌ی فریاكه‌وتنی سلیمانی ودوای پشكنینی لیژنه‌یه‌كی پزیشكی به‌مه‌به‌ستی نه‌شته‌رگه‌ری ره‌وانه‌ی نه‌خۆشخانه‌ی ئیمیر جنسی سلیمانی ده‌كرێت و چه‌ند پۆلیسێك چاودێری ده‌كه‌ن.
هه‌روه‌ها به‌بریاری دادوه‌ری لێكۆلینه‌وه وبه‌پێی مادده‌ی ( 413 )له
(ی. س .ع)دۆسیه‌ی كێشه‌یه‌كی تایبه‌ت بۆ باوه‌ژنه‌كه‌ی ده‌كرێته‌وه و به‌سپارده ئازاد ده‌كرێت و باوكیشی به‌پێی مادده‌ی (29 ) له(ی. س .ع) ڕاگیراوه .شایه‌نی باسه ئه‌م خێزانه خه‌ڵكی ده‌وروبه‌ری شاری هه‌ولێرن و ئێستا له‌كارگه‌ی پلاستیكی (ساسان ) له‌نزیك ناحیه‌ی عه‌ربه‌ت وه‌ك كرێكاری كارگه‌ی ناوبراو نیشته‌جێن.
ڕاگه‌یاندن وپه‌یوه‌ندییه‌كان
به‌ڕێوه‌به‌رایه‌تی پۆلیسی پارێزگای سلێمانی
ليست هناك تعليقات:
إرسال تعليق